გამარჯვების მომენტი უშუალოდ საქართველოს ნაკრების მცველის, ოთარ კაკაბაძის, აქტიურობას უკავშირდება.

29 წლის მარჯვენა მცველმა შეუცვლელად იასპარეზა, შეხვედრის დასაწყისში ყვითელი ბარათიც მიიღო, თუმცა 69-ე წუთზე მატჩის ბედი გადაწყვიტა – შეტევაში ჩართვის შემდეგ ზუსტი პასით ბულგარელ შემტევს, მარტინ მინჩევს მიუძებნა, რომელმაც ახლო დარტყმით ანგარიში გახსნა.

კაკაბაძე „კრაკოვიას“ კაპიტნის სამკლავურით უძღვებოდა და მიმდინარე სეზონში უკვე სამი საგოლე ქმედება დაუგროვდა – ერთი გოლი და ორი საგოლე გადაცემა.

მოგებული შეხვედრის შემდეგ „კრაკოვიამ“ 10 ქულა მოაგროვა და დროებით მე-2 პოზიციაზე გადაინაცვლა, ლიდერ „ვისლა პლოცკს“ კი მხოლოდ დამატებითი მაჩვენებლებით ჩამორჩება.

კაკაბაძის გუნდი მომდევნო ტურში 24 აგვისტოს სტუმრად „პიასტს“ დაუპირისპირდება.