ქართველი ფორვარდის მონაწილეობით „ჰაიდენჰაიმმა“ საკუთარ მოედანზე „ვერდერ ბრემენი“ მიიღო და ორჯერ ჩამორჩენის მიუხედავად შეხვედრა ფრედ – 2:2 დაასრულა.

შეხვედრის პირველივე წუთებიდან ზივზვაძე აქტიურად იყო ჩართული თამაშში — იგებდა ორთაბრძოლებს, ინარჩუნებდა ბურთს და რამდენჯერმე სახიფათოდ შეუტია მეტოქის კარს. 21-ე წუთზე მას რეალური შანსი ჰქონდა ანგარიშის გასახსნელად, თუმცა ბრემენის მცველმა ბურთი კარის ხაზიდან მოიგერია. მეორე ტაიმში ზივზვაძე კვლავ აქტიური იყო და სწორედ მის პრესინგს მოჰყვა ეპიზოდი, რომელმაც შიმერის გოლი მოუტანა.